Und wider emalä isch Ziit füren Iitrag i oisere Flasch-News Siite.. Äs isch nämli bereits Auguscht..
Dä Fiirabigcup ghört ebäfalls bereits dä Vergangeheit ah.. --> Ranglischte findet ihr uf oisere Wettkampfsiite, bzw. uf dä TV-Homepage:)
Au d'Turnfäschter in Dägerle und au in Wädi sind problemlos überd Bühne.. Ranglischte vo Dägerle & Wädi isch susch definitiv uf oisere Wettkampfsiite zfindä:) In Wädi hämmer oisi super StuBa-Üebig grad richtig grockt!! Miteme sensastionellä 8.80 hämmer doch scho fasch gunnä!! Super Sach gsii:-))
Und jetzt sind Summerferiä - das bedüütet au für oisi fliissige Turnerinnä äs Summerpäusli. S'gitt immer wider chliini Zwüschedings - wo im Jahresprogramm zfindä sind.. z.B. Seeüberquerig, Fahrt ins Blaue etc...
Wider "richtig" aafange tüend mir am 25.Auguscht miteme Iistigs-Grilliere:) Und nachher am 8.September findet oisen noii Iigfüerte Turnstand statt - womer über di kommende Turnfäschter fürs Jahr 2012 tüend abstimmä..
Uuuund no öpis ganz wichtigs: am Wuchänänd, 3./4. September 2012 findet di Kantonali Grätmeischterschaft in Fehraltorf statt, wo dur d'Männerriege Fehraltorf organisiert wird. Au miir händ deet en "chliinä" Arbetsiisatz, also wärs doch super wänn mer di einte oder andere a däm Aalass chönted begrüesse! Download
Däänn möchti oi bereits jetzt drüber informiere dasäs abem Oktober 2011 nüme gross News über diä Homepage wird gä. Eifach für di nächschte 6 Mönet (ca. bis April/Mai 2012), will ich chli gan go reise. Aasprechperson (Stellverträterin für mich) isch ab Oktober 2011: d'Gabi Renggli wo ja au Vize-Präsidentin isch.. Ihri Info's sind natürlich unter dä Siite "Vorstand" zfindä..
Yes das ischs so öppe gsii:) dankä fürs läse und s'Inträsse.. macheds guuuuet und bis bald...:)
Adeee mässii
D'Ziit rännt.. isch ja verruckt.. Bereits isch schowieder Mai!! Isch ja unglaublich.. s'Trainings"Weekend" ghört au scho längschtens dä Vergangeheit ah.. super isches gsii. Alles hätt klappet und mir sind sehr vorwärts choo i oisere noiä Stufabarreüebig. Wird lässig, das chani oi verspräche;-)
S'Rangturne isch verbii.. Dankä villmal a oisi drüü Määdels wo mitgmacht händ, bzw. 4 wo eigentlich hetted welä mitmache.. leider hämmer no en Unfall z'verzeichne :-( I däm Sinn no wiiterhiin ganz ä gueti Besserig, liäbi Corina!! Uf oisere Wettkampf-Siite findet mer susch d'Rangliischte vom Rangturne in Russike...
Am kommende Friitig, 13.05.11 findet dä alljährlichi Fiirabig-Cup statt! Au da sind Fans immer sehr sehr gärn härzlich Willkomme!! Infos beträffend Startziite findet mer ebäfalls uf dä Wettkampf-Siite... :-)
Und dän folged bereits d'Turnfäschter vom Jahr 2011.. als Premiere startet mer in Wädenswil sogar als EIN Verein.. bin sehr gspannt wiä das wird;-)
Yes yes so isches.. dankä bereits jetzt fürs fäääne und s'Tuumedrucke!
S'Jahr 2011 isch bereits wider voll im Gang.. Vill z'brichte gitts eigentlich nöd, beziehigswiis nonig:-)
..GV isch verbii, am 10.Februar hämmer si innere gmüetliche Rundi idä Schützegass in Fehraltorf hinter ois bracht. Ohni Zwüschefäll und ohni Diskussione. So wiäs ebä mues sii.. *smile*
Vorallem im Vorstand häts en grosse "Wächsel", beziehigswiis, "Verschiäbige" gä & diä findet mer am eifachschte wänn mer uf oisere Homepage echli gaht go umästöbere.. :-) Vill Spass däbii & dankä villmal fürs Inträsse.
